波丫士(《巨人》續寫)

香港科技大學
小作家大使
王善瑋


Notice: Undefined variable: separator in /www/writerstraining_689/public/wp-content/themes/Newspaper-child/article_post_display.php on line 28
TAGS

「哎吔媽呀呢嗰噴嚏!」
「嗦,對唔住! 」
「我唔想做鼻涕蟲,不過好凍。」
「而且好似愈嚟愈凍。」
「我哋幾多日冇食嘢?」
「十日喲,好似三日,唔喺,喺五日至真。」
「暗無天日────時間空間大兜亂!」
「仲餓到眼光光,有幻覺!」
「我情願畀外星人捉!」
「平時曉唔曉得捉魚?」
「唔曉。」
「話你知,我家姐曉用箭射魚。」
「捉到同我喺塘邊燒嚟食,冇泥味,好好食。」
「唔知家姐依家有冇掛住我?」
「或者以為我死咗。」
「我仲想跟拒捉田鼠……」
「捉咗又係燒嚟食,好食,好玩。」
「咪講,愈講愈肚餓!」
「講開又講,你阿媽平時有冇打你鬧你? 」
「冇。」
「佢從來唔打我鬧我。」
「我戽被佢一定同我冚被。」
「踼完波一定同我洗返白對鞋。」
「阿媽仲好細膽,有時劏咗屋企隻雞就眼濕濕……」
「唔知做乜坐埋一二邊喊。」
「我好想見到佢,佢日日叫我飮湯……」
「寧願俾佢叫我做呢樣做嗰樣,煩!」
「我就想睇星星嘞。」
「夜晚個天真喺好靚,睇完好好瞓。」
「仲想聽爺爺講故事。」
「同細佬瀡滑梯……」
「唉,依家!」
「唔知有冇蝙蝠? 我好驚!」
「蝙蝠就冇,蝙蝠屎或者有!」
「所以上邊滴落嚟啲水唔飲得,一定污糟。」
「你以為!大哥哥話飲得,冇呃你。」
「總之出唔倒去。」
「一定得,邊度嚟邊度去,不過冇咁易,唔識潛水!」
「若果出倒去,將來點?」
「大嗰咗我一定加入烏拉圭,踼世界杯。」
「點解揀烏拉圭?」
「嗰名好耳熟。我屋企不嬲養龜賣龜,你唔喺唔知。」
「你有大志!」
「唉,十二個人分最後一粒綿花糖。」
「遲啲變烏拉柴,死得!」
「唔駛做功課幾好,但喺諗到就嚟死囉噃…… 」
「我好想見番啲同學……」
「仲有老師添。」
「噫,外邊隨地挖個窿就有蟹仔瓹出嚟,好容易咋。」
「依家試下?!」
「挖個窿大啲,細窿瓹唔出大隻蟹,嘥心機。」
「不過冇力挖,不如睇下有冇蝌蚪撈。」
「或者有機會有㗎。」
「真喺?紫·菜·蝌·蚪·即·食·麵────諗到都想食!」
「你開心! 水蛇或者有────邊個去捉啦喂?!」
「大哥哥呢? 」
「見佢淨係打坐,十日冇食過嘢,超人!」
「佢係神級,我哋唔係,知冇?」
「好地地攪成咁,點解嘅?」
「我地喺青蛙肚入面,游腸而下……」
「唔知滯留喺一個唔上唔落嘅乜嘢位置!」
「未到肛門口,走唔出去外面囉!」
「冇人會劏開青蛙肚。」
「我哋仲有冇希望?」
「一齊大聲叫得唔得?!」
「儍嘅,依家手機都收唔倒啦!」
「唔駛灰心。」
「棄我去者,昨日之日不可留……」
「亂我心者,今日之日多煩憂。」
「唔知你喺度噏乜。」
「何世無奇才,遺之在草澤!」
「我哋喺山洞喎,你講乜?」
「啍嗦嗥噑嗱嗶嘻囒嗏嘿嚓唂啹哠哱囁嗊嘱嚰啅……」
「咪語無倫次!!」
「得喇。」
「咪住,水度有啲反光嘢,真嗱? 嘩哈! 」
「有大青蛙!」
「Hello?You OK?」
「Hello!We are hungry – we are Boars!」
…………
山有陵兮,海無竭。
明月升兮,心照亮。
勇士救人赤誠之心,令人肅然起敬!
不是嗎?
滴水之恩,尙言湧泉相報。
更何況無償捨命,怎不令人動容!
天道為何,誰人知曉?
空靈幽幽塤聲,喚醒了幼子的靈魂。
集體勇敢面對而不氣餒……
恍如擇天記裏的陳長生────
慿堅強意志逆天改命。
逃過一劫!
伐毛洗髓,必有感悟;將來人生必不苟且。
努力承擔,珍惜身邊一事一物。
只因────
他們永不忘記 :
那趟在牢籠中分享最後一粒綿花糖。
…………
抬頭一望……
繁星依青天,列宿自成行。
天幕萬千顆眼睛眨呀眨,不也是在張望嗎?
「哦!」
北斗、軒轅──兩大星宮正竊竊私語……
「你睇,巨人老哥發威啦!」
「一滴淚迅即變一潭水,攪出咁大件事。」
「仲幾乎收唔到科。」
「作為旁觀者,我地喺上高都冇乎。」
「好彩有人肯搏命冒險救人,班細路嚇餐飽。」
「應該學精咗 ……」
「莫欺山,莫欺水────大自然係沉睡緊嘅巨人。」
「講得啱,雖然巨人老哥一向包容。」
「今次小懲大戒,只當開玩笑,下次就唔知。」
「人受命於天,固超然異於群生。」
「所以佢地應該知機,要同大自然共存共榮……」
「咪一味肆意妄為!」
「我講緊嗰啲破壊大自然嘅人,唔關今次班細路。」
「否則,巨人嘅反噬,有朝一曰會嚟到 …… 」
「唔敢想!」
「手尾長!」
「冇啦!」
「喂喂,我仲想啲小朋友晚晚睇我㗎。」

評語:

很有香港文化色彩的一篇。用兒童口吻陳述,自然無忌,至於評論的人,即我,自然手尾長。鋪墊到最後,「我仲想啲小朋友晚晚睇我㗎」,總其大成。作者充滿創作野心,述者充滿愛心。我不一定是個能讀懂同學心意的知音,但對於這一種識見與毅力,我由衷點讚。

評審人:蒲葦

名銜:作家兼資深中文科主任