旁白:有一天，倒霉的小玲遇到不幸運的事情，讓我們看看發生什麼事吧! (第一幕) 小玲、美美和志明在操場猜拳。 玲、美、明:包剪揼! 玲、明:哈哈，你輸左! 美:哼!我數喇!十九八……三二一零!哈哈，小明，搵到你喇! 明:唉!唔知小玲喺邊到呢? 美: 唔知喎，可能佢已經返左屋企啦。哼!我地返去搵佢算帳! 旁白:另一邊廂…… 玲:點解佢仲未搵到我?呢個窿真係好喇!不如我瞓一陣先啦! (第二幕) 旁白:小玲醒左。 玲:而家都唔早喇，我要返屋企喇。 旁白:於是，小玲就出發返屋企。但係，佢越行越覺得唔對勁。每行一步，周圍就越陰森恐怖。 玲:哇!好恐怖啊!呢到都唔係我啱啱行嘅路嚟嘅! 旁白:小玲不知所措，就喺嗰個時候，出現左一個女仔。 (第三幕) 女:你好啊!我係森林入面嘅精靈，你係唔係迷路呀?等我幫你啦! 玲:唔該晒呀! 旁白:隨即小玲就跟住精靈走，但係越行就越古怪。 玲(自言自語): 呢隻精靈不懷好意，我都係趁早走好喇! 旁白:小玲趁精靈冇為意嘅時候，偷偷走開。佢加快腳步，擰轉頭發現精靈唔係後面，暗暗舒左一口氣。正當小玲以為自己走甩左嘅時候…… 靈(鄙視):咦?點解你係度嘅?你唔係跟住我嘅咩? 玲(震驚):你…你點解搵到我… 嘅? 靈(冷笑):哼!我係精靈，自然無處不在。想走甩？冇咁易!哈哈哈…… 旁白: 精靈隨住哈哈聲，漸漸消失左。小玲愣住係嗰度，跟住發出一聲尖叫就暈低左。 (第四幕) 旁白:小玲覺得有人係度拍打佢，睜開眼睛。 玲:做乜事呀? 玲媽:我問你做乜事就真!晨早喺度咁嘈。快啲起身返學啦! 玲:哦~!好彩原來係一個夢!